نــــــــكـــت مــــغـــربية وهـــــذه المــــرة باللغة الدارجــــةوالله رائــــع

بسم الله الرحمان الرحيم والصلاة والسلام على رسول الله

اليوم مع موضوع رائع والله أعجبني كثيرا لأنه أصيـــــل ذو كلام

مغربي 100 % جميــــــــــــــل والله



هدا واحد البركاني خدا الدكتوراة في علم الحيوان ولكن الأساتذة

دياولو متيقوش أو هما يقولوليه ديرلينا شي تجربة ... البركاني

جاب واحد القطة منين كيصفق عليها كتجي عندو أو هو يقطعليها

الرجل الأولى منين صفق عليها جات هو يقطعليها الرجل الثانية

منين صفق عليها جات هو يقطعليها الرجل الثالثة منين صفق

عليها جات هو يقطعليها الرجل الرابعة منين صفق عليها ما

جاتش أو هو يقوليهم نستنتج أننا عندما نقطع للقطة أرجلها

الأربعة تفقد حاسة السمع

ههههههههههههههههه
........................................

واحد معكازبزااف ... قال لصاحبو : دبرت على خدمة. قال له

مبروك فين ؟؟ قالو فمطبعه...كانكلس فوق الوراق باش مايطيروش
........................................

هدا واحد البخيل فاق في صباح بكري ومشا يحل الحانوت ملي

حلو لقاه مسروق وهو يسدو ورجع نعس وغطى راسو بالمانطا أو

قال الله إخرج هاد الحلمة على خير


........................................

عروبي شرا بورطابل.. دارو فجيبو.. واحد الوقت بدا يفيبري...

لاحو.. قال ولد الحرام باعو ليا حي..


...........................................

قال ليك هذا وحد الاستاذ قال لتلاميذ ديالو : لي سولتو اوماجوبش

يعطني 50درهم ولي سولني اوماجوبتش نعطيه 100درهم اوهو

ينوض واحد الكسول قليه شنهيا الحشرة لي عندها 9999999

رجل???) بدا كيفكر اهوا يقول ليه معرفتش هاك 100درهم ,

قول ليا انت شناهيا ?? اوهوا يجاوب الكسول : تاانا معرفتش هاك 50درهم
........................................


واحد تابع وحدة بطوموبيل ديالو طلعات ليه لقاها خايبة .قال ليها

اش سميتك قالت ليه غزلان. قال ليها زيدي جهلي فيا

........................................

قسم كسالى رسمات ليهم استادة ديال الرياضيات مثلت سولاتهم

اش ناهوا هدا واحد لكاسول قال ليها درهم حرشا
........................................

قواس كاتفرج فماتش . مشا يشرب تسجل هدف بلا مايشوفو مني

دارو الاعادة ماتماركاش
........................................

قالك بخيل نجح ولدوا شرا ليه بالون قال ليه الا نجحتي لعام جاي نفخها ليك
.......................................



معكاز شرا ليه باه محل ديال دجاج باش يجمع راسو... جات عندو

واحدة قالت ليه ارا ليا شي دجاجة فيها 2 كيلو... الدري مكسل..

شاف فدجاج وقال يللاه للي فيها 2 كيلو تنوض
..........................................

واحد عندو حدبا مشا للتجنيد.. تسحاب هايردوه.. فرحان.. قال

لواحد: الشاف انا عندي حدبا فظهري ..قال ليه مزيان نعصرو
عليك الليمون
........................................

واحدة تصاحبات معا براني.. مشاو لقهوة جا عندهم لجارسون فال

ليهم اش بغيتو قال ليه البرانيpas encore سول دريا قالت ليه

pas encore bien glacé

........................................


شارفا ماتت عمرها ماغسلات شعرها... مني بغاو يغسلوه ليها..

لقا القمل كايصلي صلاة الاستسقاء
........................................


واحد كياكل بلا مايقول بسم الله... واحد نهار كال كسكس

بالحرور... وهوا يهز مونادا باردا .. وقال للشيطان ودابا شوف

باش تبرد ... بسم الله
........................................


واحد طلاب طلع لطوبيس كايطلب مبغا حد يعطيه.. واحد الراجل

عيط عليه عطاه شي حجا...طلاب قال ليه الله يجعلك من الدين

امنو... مني شاف لقا ريال.. زاد قال ليه ثم كفروا
........................................

واحد غادي معا صاحبتو.. شرا ليها بولو... واحد لوقت دازو من

درب خاوي.. قالت ليه حنا بوحدنا دابا غتانم لفرصة... هوا

يخطف ليها بولو وهرب
........................................


وحدة قالت لصاحبها قول ليا شي حاجة حلوة.. قال ليها سكر...

قالت ليه للللا شي حاجة تجمعنا انا وياك ... قال ليها صطافيط
........................................

واحد مشا مع دريا لسينما بالعلم ديال مها... مني بدا لفيلم طفا

الضو... دريا كتبكي.. قال ليها مالك.. قالت ليه قالت ليا ماما

سيري ومتباتيش
........................................

واحد صاط شابع عياقة. مشا يدوز امتحان فالفرنسية سولوه اش

ناهو الحديد بالفرنسية قال ليهم
musculation
........................................


كاليك هادا شلح كان راكب ف الطاكسي سول الشيفور ديال واش

كاي خلصو على الصيكان كالو الشيفور ديال الطاكسي لا كاليه

الشلح : دي الصيكان لدار ها انا غادي نتبعك
.......................................

هادو 3 ديال الناس.امريكي.فرنساوي.مغربي ..وقفوهوم حدا واحد

البحر قالو ليهم كل واحد فيكم بغيناه يتخيل لينا هاد البحر عامر

بشي حاجة من غير الماء..

الامريكي: لو كان هاد البحر كلو بترول-نفط- متنظنش اننا مزال

غادي نحتاجو للنفط ديال الخليج وايران.

الفرنساوي: لو كان هاد البحر كلو فلوس متنظنش غيبقا شي فقير فهاد العالم.

المغربي: لو كان هاد البحر كلو بيصارة شحال غاتقدو من خبزة.


.......................................

واحد مغربي مشا لاسبانيا.. جاه الجوع مشا لواحد لبسري قال ليه

دوس كوميروس دوس طورورس هاهاها

أتمنى أن تنال إعجـــــابكم يا رب ودائـــــــــما نعدكـــم بالجـديد

وسنسهر جاهدين لإرضاء رغــــباتكم