مسااااااااااااء الورد
آش خباركم حبوباتي
نتمنى كل وحدة تكون بكامل صحتها
المهم شحال من عضوة معانا هنا قلبات حتى عيات على Eskinol و ما لقاتوش , و فعلا هو قليييييييييل جدا خصوصا هنا فالمغرب
من بعد واحد الكم هائل ديال التجارب اللي مكتساليش يوميا هههههههههههه
توصلت الى :
ما هو أكثر فعالية من الاسكينول الكيميائي
ما هو أقل ثمنا من الاسكينول الكيميائي
ما هو أكثر أمانا من الاسكينول الكيميائي
لاش كيليق هاد الاسكينول ؟
هو محلول يساعد على تفتيح البشرة و ازالة السواد و ابقاء البشرة نضرة و لامعة , أيضا بامكانكم استعماله في أماكن متعددة من الجسم .
بامكانكم أيضا وضعه على الوجه , و النتيجة لاااااا توصف
و لكن
انتباه :
صاحبات البشرة الحساسة يبتعدوا عليه نهاااااااائيا , أعيد و أكرر اللي بشرتها حساسة ما تستعملوش نهائيا .
ممنوع منعا بااااااااااتا وضعه على الهالات أو محيط العين
طريقة الاستعمال :
بما أنه محلول فغادي تبللوا قطعة قطن و تدوزوها على المكان المراد ( الوجه ـ الابطين ـ المنطقة الحساسة ـ العنق ... ) غادي تلاحظوا فالاستعمالات الأولى أن القطن كيخرج فيه شوية دالسواد , و هذا شيء طبيعي لأنه كيعمل على تنقية البشرة من جميع الشوائب .
استعملوه صباحا و مساءا الى قدرتوا , طبعا ممنوووووووووع تستعملوه و تخرجوا للشمس , لا عملوه الى كنتوا فالدار فقط , و فالصباح غسلوا وجهكم بالغسول المناسب لبشرتكم .
ملاحظات بسيطة :
هدا الاسكينول غادي يقدر يسبب لصاحبات البشرة الجافة جفاف أكثر , فاللي ننصحكم بيه و هو تستعملوه مرة واحدة فقط بالليل , و في الصباح ضروري مرطب , باش يبقى عندكم توازن فالخلايا ديال البشرة .
كيفية التحضير :
أولا غادي ناخذوا قشور ليمونة ( برتقال ) و نقطعوها على هاد الشكل , و يا ريت لو يكون الليمون طري و جديد
من بعد غادي ناخذوا قشور ليمونة حامضة و نقطعوها بنفس الشكل , أعيد و أكرر القشور فقط باش ما يتعفنش الخليط
هنا أيضا خذينا 2 ملاعق كبار ديال البابونج
من بعد غادي ناخذوا كاسرونة و نعملوها فيها حوالي 1 لتر ديال الماء , و نزيدوا عليها 1 ملعقو كبيرة ديال الملحة
من بعد نزيدوا المكونات الأخرين , القشور و البابونج كيفما واضح هنا
و نخليوهم يغليوا مزياااااااااان
و نغطيوهم و نخليوا الخليط حتى يبرد على خااطروا , من بعد نصفيوه مزياااان و نعملوه فشي قرعة صغيرة , و يستعمل كما سبق و شرحت من قبل .
منقول للافادة
الثلاثاء يناير 27, 2009 6:59 am